…………… …

يعني ايه مش فاهم أنا … حد يفهمني فيه ايه

ده بسلامته وزير البترول .. ازاي يعني ميعرفشي أي بيانات عن صفقة بيع (مصر)لإسرائيل
أومال سيادته بيعمل ايه في الحكومة .. ووزير البترول ازاي يعني مش فاهم
بصراحة أنا خلاص مبقتش عارف حاجة
هما باعوها لساويرس .. ولا لأبو العينين ولا منصور .. ولا عز باشا .. ولا مين اللي اشتراهها بالظبط
هي العزبة بتاعة جدو الباشا .. مين اللي اشتراها قولولي

…………… ………….

ومن كام يوم بردو في مجلس الشورى حصل نفس الموضوع

يعني سيادة البيه الوزير

اللي صارف ربع فلوس البترول على فرق الكورة والشعب مش لاقي العيش ياكل

مش عارف سيادته .. وحضرته .. وفخامته .. ومش عاوز اقول كلام تاني

مش عارف هو بايع الغاز لإسرائيل بكام

طيب مش كفاية بايع الغاز لإسرائيل!
وكمان مش عارف بكام!!

لا وايه بسلامته كان بيقول في مجلس الشورى

من كام يوم

ان بيع مصر الغاز لإسرائيل قضية أمن قومي
بقى الغاز المصري لإسرائيل بقى قضية أمن قومي

يعني بيع الغاز لإسرائيل زيه زي السد العالي دلوقت

لا والأدهى

ان توفير رغيف العيش للناس اللي بتموت كل يوم في الطوابير قدام الفرن البلدي

مبقاش قضية أمن قومي .. تحتاج تجهيز البيانات من الحكومة